Fálkasetur Íslands hefur mótað sér framtíðarsýn og sett sér metnaðarfull markmið.  Fálkasetur Íslands stefnir að því að:

• Vera einn helsti miðlari vísindalegrar þekkingar og vöktunar á fálka- og rjúpnastofninum til almennings á Íslandi.
• Auka þekkingu og virðingu almennings á fálkanum, lifnaðarháttum, vistfræði og tengslum hans við aðrar fuglategundir.
• Halda upp lifandi starfsemi þar sem tengsl vísindalegrar þekkingar og menningar eru í hávegum höfð.
• Skapa atvinnu og hafa jákvæð efnahagsleg áhrif á samfélagið.

Markmið Fálkaseturs Íslands eru að:

• Miðla með sýningu, vettvangsferðum, vefsíðu og vefmyndavél vísindalegri og staðbundinni þekkingu um fálkann og rjúpuna til ferðamanna, heimafólks, veiðimanna, skóla og fræðimanna.

• Nýta þekkingu um fálkann og rjúpuna í Þingeyjarsýslum til að auka ánægju og upplifun gesta og gera dvöl þeirra á svæðinu innihaldsríka og skemmtilega.

• Fræða almenning um mikilvægi Þingeyjarsýslna sem búsvæði fálka og rjúpna.

• Fræða almenning um íslenska fálkann og íslensku rjúpuna og auka virðingu á lifnaðarháttum tegundanna, vistfræði og tengslum þeirra.

• Halda nafni Theodórs Gunnlaugssonar á lofti og framlagi hans, sem sjálfmenntaðs fræðimanns, til aukinnar þekkingar almennings á náttúru landsins.

• Auka skilning og ábyrgð almennings á náttúrunni, náttúrulegri framvindu, líffræðilegum fjölbreytileika, tengslum í náttúrunni og tengslum manns og náttúru.

• Auka skilning og ábyrgð veiðimanna á sjálfbærum rjúpnaveiðum og góðri umgengni um veiðilendur.

• Hagnýta náttúrufarslega sérstöðu norðausturlands varðandi þessar einstöku tegundir til að lengja dvöl ferðamanna á svæðinu, samfélaginu til heilla.

• Skapa vettvang til eflingar rannsókna á fálka og rjúpu.

• Auka heildarvirði svæðisins fyrir ferðaþjónustu og auka fjölda ferðamanna í Norður-Þingeyjarsýslu.